Սովորող-սովորեցնող

75828

Գեղարվեստը կրթահամալիրում նախագծով, այսօր սովորողների փոքր խմբով այցելեցինք Աշտարակ: Հետաքրքիր և ուսումնական զբոսանքից հետո, ի վերջո հասանք հայորդաց տուն, որտեղ աշտարակցի սովորողները սպասում էին մեզ: Ծանոթանալուց հետո սկսեցինք միասին աշխատել: Որպես հիմնական օգտագործման նյութ՝ ընտրել էինք բժշկական փայտիկները: Մեր սովորողները ցույց տվեցին, թե ինչպես կարելի է դրանցով ձնեմարդ և ձմեռ պապ պատրաստել: Համատեղ աշխատանքը հետաքրքիր և օգտակար եղավ, թե նրանց համար և թե մեր սովորողների, քանի որ նրանք նոր բան սովորեցին, իսկ մեր սովորողները հնարավորություն ունեցան իմացածը փոխանցել իրենց հասակակիցներին:

20171211_154517

Advertisements

Գույն և գունային ճաշակի ձևավորում

Ժամկետ՝ սեպտեմբեր-հոկտեմբեր

Նախագծի մասնակիցներ՝  1.2.3-րդ դասարանների սովորողներ

Նախագծի նպատակը՝ սովորողների մեջ զարգացնել գույներով աշխատելու հմտությունները, զարգացնել գունային ճաշակը և երևակայական միտքը:

Նախագծի նկարագրությունը՝  նախագիծն իրականացվում է ընտրովի տեխնոլոգիայի դասաժամին: Ներառում է գունատեսության և կոմպոզիցիոն առաջադրանքեր:  Քանի որ նախագծի մասնակիցները կրտսեր դասարանների սովորողներն են և դեռևս տարրական գիտելիքներ չունեն պարզ գծագրային մարմինների, գույների, գունային նյութերի մասին, ուստի նախագիծը սկսվում է մատիտ-քանոնի օգտագործումից և հասնում մինչև գունային տարբեր վարժություններ: Թե ինչ է գույնը, ինչպես այն պետք է օգտագործել, որ գույնը, որի հետ խառնելուց ինչ է ստացվում:  Continue reading

Ընտրությամբ գործունեություն 1-ից 3-րդ դասարաններ

WP_20170912_025

Տեխնոլոգիա դասընթացի գլխավոր նպատակն է սովորողների մեջ մշակել և զարգացնել գեղարվեստական ճաշակ, շրջապատը տեսնելու և այն փոխելու կարողություններ և հմտություններ։

Աշխատանքային միջոցներ

Սովորողների տեխնոլոգիական  հմտությունները զարգացնող ուղղություններ

  • Նկարչական տարբեր նյութերով և պարագաներով աշխատանքներ (գուաշ, յուղաներկ, մատիտ)
  • Գունավոր թղթերով, մկրատով, սոսնձով աշխատանքներ
  • Թել ու ասեղով աշխատանքներ
  • Կավով աշխատանքներ
  • Թափոններով աշխատանքներ՝ պլաստիկ շշեր, շշերի կափարիչներ, հին ձայնասկավառակներ, թերթեր…

 

Նկարչական տարբեր նյութերով և պարագաներով աշխատանքներ

Վրձնով և գուաշով   նկարելու համար անհրաժեշտ է տիրապետել մի քանի հնարքների, որոնք յուրաքանչյուր դասաժամի հետևողական աշխատանքի արդյունքում կզարգանա սովորողների մեջ: Կան պարզ գունավարժություններ, որոնք նյութի սկզբնական օգտագործման համար անհրաժեշտ է սովորել:

Յուղաներկով աշխատելու համար պետք է  մի փոքր հմտացած լինել գուաշով նկարչության մեջ, քանի որ յուղաներկն ավելի խիտ նյութ է և ավելի դժվար է տարածվում: Բացի այդ յուղաներկով աշխատանքները հիմնականում կատարվում են միջավայրի բարեկարգման համար և ավելի կոկիկություն են պահանջում:

Մատիտներով   նկարչությունն ավելի պարզ և ծանոթ է սովորողներին, սակայն այնտեղ նույնպես կան որոշակի նրբություններ:

Գունավոր թղթերով, մկրատով, սոսնձով աշխատանքեր

Գունավոր թղթերով   աշխատանքն իր մեջ ներառում է մի քանի նյութի կիրառություն. մկրատ, սոսինձ, քանոն: Այսպիսի նյութերը նորություն են կրտսեր դասարանների սովորողների համար: Պետք է ավելի ուշադիր լինել և սովորեցնել կիրառման ձևերը, որպեսզի անվտանգ լինի աշխատանքը:

Թել ու ասեղով աշխատանքներ

Թել ու ասեղը մեզ անհրաժեշտ են տիկնիկագործության ժամանակ, սակայն ասեղի օգտագործումն ուսումնական պարապմունքի ընթացքում կարող է վտանգավոր լինել, եթե նախապես  նախապատրաստական աշխատանքներ կատարված չլինեն:

Կավով աշխատանքներ

Կավը բնական նյութ է, որով աշխատելը դրական ազդեցություն է ունենում մարդու վրա, թե առողջության համար, թե նյարդային համակարգի: Սովորողների համար շատ սիրելի նյութ է կավը, ուստի այն հաճախ է օգտագործվում ուսումնական դասընթացների ընթացքում: Կավով աշխատելու համար պետք է ձեռք բերել կավով աշխատելու հմտություններ:

Թափոններով աշխատանքներ

Թափոններով աշխատանքներն իրենց մեջ ներառում են բոլոր այն նյութերը, որոնք արդեն օգտագործվել են և շատ հաճախ պիտանի չեն: Նմանատիպ աշխատանքերն ունեն դաստիարակչական նշանակություն, որովհետև սովորեցնում են խնայող և գնահատող լինել, ինչպես նաև զարգացնում են սովորողի երևակայությունը, քանի որ թափոնին «նոր կյանք» հաղորդելը հնարամտություն է պահանջում:

Նյութերի ընտրությունը հարմարեցրած է սովորողների տարիքային խմբին: Իսկ աշխատանքային ուղղությունները տվյալ նյութերով, շատ հաճախ սովորողներն իրենք են առաջարկում: