Ճարտարապետություն և նախագծում

DSCF6081Ուսումնական ծրագիր

Ճարտարապետություն և նախագծում ընտրությամբ գործունեության ծրագիրը նախատեսված է Ավագ դպրոցի այն սովորողների համար, ովքեր հետաքրքվում են ճարտարապետությամբ ու դիզայնով և որպես ապագա մասնագիտություն ընտրել են դրանցից որևէ մեկը: Continue reading

Advertisements

Գրաֆիկական դիզայն

42405855_2210892119188094_8471690148021534720_n«Մխիթար Սեբաստացի» կրթահամալիր

Ուսումնական ծրագիր

Գրաֆիկական դիզայն

Գրաֆիկական դիզայն ընտրությամբ գործունեության ծրագիրը նախատեսված է վեցերորդից ութերորդ դասարանների սովորողների համար: Continue reading

Կերպարվեստ

Կերպարվեստի լրացուցիչ կրթություն

Օրեր և ժամեր

  • Երկուշաբթի-14:30-15:30
  • Ուրբաթ -13:40-14:40

20171023_141205.jpg

Ծրագիր

Սովորողի նկարչական ընդունակությունները և հմտությունները հասկանալու համար  կատարվում է փորձնական աշխատանք, որպեսզի որոշվի աշխատելու հետագա ընթացքը: Դասաժամերի ընթացքում յուրաքանչյուր սովորող հնարավորություն է ունենում  կատարել անհատական աշխատանք ըստ իր նախասիրությունների և ընդունակությունների: Սակայն հիմնականում տրվում է հանձնարարություն, որ կատարում են բոլորը:

Հիմնական ուղղություններ

  • Նատյուրմորտ- նատյուրմորտը կերպարվեստի ժանր է. պատկերում է անկենդան առարկաներ (սափորներ, սպասք, մրգեր, բանջարեղեն, ծաղիկներ, եռաչափ մարմիններ և այլն): Նատյուրմորտ նկարելիս սկսում ենք աշխատել սև սովորական մատիտով, որից հետո անցնում ենք գունավոր մատիտներին: Ավելի հմտանալուց հետո անցում ենք կատարում գուաշին:
  • Նկարչություն դրսում, բնության մեջ, բնանկար, ճեպանկար (ճեպանկարը տեսածը արագ և քիչ նյութերով թղթին հանձնումն է, որի շնորհիվ ձեռքն ավելի վարժ է դառնում:
  • Ազատ ստեղծագործական աշխատանքեր տարբեր նյութերի կիրառությամբ:
  • Դիմանկար
  • Գունավարժություններ գուաշով և վրձնով աշխատելու և գույները զգալու մեջ ավելի հմտանալու համար:

Տեխնոլոգիա. 4-5-րդ դասարաններ

48397443_367061710525611_7735463205081710592_nԴասընթացի ծրագիր

Տեխնոլոգիա դասընթացի գլխավոր նպատակն է սովորողների մեջ մշակել և զարգացնել գեղարվեստական ճաշակ և տարբեր նյութերով աշխատելու հմտություններ։

Տեխնոլոգիական աշխատանքները հնարավորություն են տալիս սովորողներին պատկերացում կազմել տարբեր նյութերի և դրանց օգտագործման առանձնահատկությունների մասին, զարգացնում են ստեղծագործական միտքը՝ հնարավորություն տալով տեսնել և գտնել ճանապարհներ միջավայրի խնդիրների լուծման համար: Նույնիսկ անպիտան թվացող նյութերը կամ առարկաները կարելի է այնպես ձևափոխել կամ ձևավորել, որ դառնան պիտանի և արժեքավոր:

Ստեղծագործական ցանկացած աշխատանքի համար սովորողը նախ և առաջ պետք է ունենա աշխատանքային որոշակի հմտություններ:

Աշխատանքային միջոցներ

Սովորողների տեխնոլոգիական  հմտությունները զարգացնող ուղղություններ

  • Թափոններով աշխատանքներ (պոլիէթիելանային տարաներ, հին ձայնասկավառակներ, ստվարաթղթե արկղեր, թերթեր…)
  • Շինարարական նյութերով աշխատանքներ (յուղաներկ, լատեքսային ներկեր, ծեփամածիկ…)
  • Նկարչական տարբեր նյութերով և պարագաներով աշխատանքներ (գուաշ, ջրաներկ, պաստելներ…):
  • Կավագործություն:

Թափոններով աշխատանքներ

Թափոններով աշխատանքներն իրենց մեջ ներառում են բոլոր այն նյութերը, որոնք արդեն օգտագործումից դուրս են եկել և պիտանի չեն: Նմանատիպ աշխատանքները շատ արդյունավետ են սովորողների ստեղծագործական մտքի զարգացման համար և ունեն դաստիարակչական նշանակություն, որովհետև սովորեցնում են խնայող և գնահատող լինել, չաղտոտել բնությունը, ինչպես նաև լինել հնարամիտ:

Շինարարական նյութերով աշխատանքներ

Յուղաներկով, լատեքսային ներկերով ինչպես նաև շինարարական այլ նյութերով աշխատանքները կատարվում են միջավայրի բարեկարգման, ձևավորման համար և պահանջում են կոկիկություն ու փորձառություն: Այսպիսի աշխատանքների շնորհիվ սովորողները ձեռք են բերում նոր հայացք, որպեսզի տեսնեն իրենց միջավայրում առկա խնդիրները և հմտություններ ձեռք բերեն դրանց լուծման համար:

Նկարչական տարբեր նյութերով և պարագաներով աշխատանքներ

Գուաշով, ջրաներկով և այլ նյութերով թղթի կամ ստվարաթղթի վրա նկարելու համար անհրաժեշտ է տիրապետել մի քանի հնարքների, որոնք յուրաքանչյուր դասաժամի հետևողական աշխատանքի արդյունքում կզարգանա սովորողների մեջ: Կան պարզ գունավարժություններ, որոնք նյութի սկզբնական օգտագործման համար անհրաժեշտ է սովորել:

Կավով աշխատանքներ

Կավը բնական նյութ է, որով աշխատելը դրական ազդեցություն է ունենում մարդու վրա, թե՛ առողջության համար, թե՛ նյարդային համակարգի: Սովորողների համար շատ սիրելի նյութ է կավը, ուստի այն հաճախ է օգտագործվում ուսումնական պարապմունքների  ընթացքում:

 

Ընտրությամբ գործունեություն 1-ից 3-րդ դասարաններ

WP_20170912_025

Տեխնոլոգիա դասընթացի գլխավոր նպատակն է սովորողների մեջ մշակել և զարգացնել գեղարվեստական ճաշակ, շրջապատը տեսնելու և այն փոխելու կարողություններ և հմտություններ։

Աշխատանքային միջոցներ

Սովորողների տեխնոլոգիական  հմտությունները զարգացնող ուղղություններ

  • Նկարչական տարբեր նյութերով և պարագաներով աշխատանքներ (գուաշ, յուղաներկ, մատիտ)
  • Գունավոր թղթերով, մկրատով, սոսնձով աշխատանքներ
  • Թել ու ասեղով աշխատանքներ
  • Կավով աշխատանքներ
  • Թափոններով աշխատանքներ՝ պլաստիկ շշեր, շշերի կափարիչներ, հին ձայնասկավառակներ, թերթեր…

 

Նկարչական տարբեր նյութերով և պարագաներով աշխատանքներ

Վրձնով և գուաշով   նկարելու համար անհրաժեշտ է տիրապետել մի քանի հնարքների, որոնք յուրաքանչյուր դասաժամի հետևողական աշխատանքի արդյունքում կզարգանա սովորողների մեջ: Կան պարզ գունավարժություններ, որոնք նյութի սկզբնական օգտագործման համար անհրաժեշտ է սովորել:

Յուղաներկով աշխատելու համար պետք է  մի փոքր հմտացած լինել գուաշով նկարչության մեջ, քանի որ յուղաներկն ավելի խիտ նյութ է և ավելի դժվար է տարածվում: Բացի այդ յուղաներկով աշխատանքները հիմնականում կատարվում են միջավայրի բարեկարգման համար և ավելի կոկիկություն են պահանջում:

Մատիտներով   նկարչությունն ավելի պարզ և ծանոթ է սովորողներին, սակայն այնտեղ նույնպես կան որոշակի նրբություններ:

Գունավոր թղթերով, մկրատով, սոսնձով աշխատանքեր

Գունավոր թղթերով   աշխատանքն իր մեջ ներառում է մի քանի նյութի կիրառություն. մկրատ, սոսինձ, քանոն: Այսպիսի նյութերը նորություն են կրտսեր դասարանների սովորողների համար: Պետք է ավելի ուշադիր լինել և սովորեցնել կիրառման ձևերը, որպեսզի անվտանգ լինի աշխատանքը:

Թել ու ասեղով աշխատանքներ

Թել ու ասեղը մեզ անհրաժեշտ են տիկնիկագործության ժամանակ, սակայն ասեղի օգտագործումն ուսումնական պարապմունքի ընթացքում կարող է վտանգավոր լինել, եթե նախապես  նախապատրաստական աշխատանքներ կատարված չլինեն:

Կավով աշխատանքներ

Կավը բնական նյութ է, որով աշխատելը դրական ազդեցություն է ունենում մարդու վրա, թե առողջության համար, թե նյարդային համակարգի: Սովորողների համար շատ սիրելի նյութ է կավը, ուստի այն հաճախ է օգտագործվում ուսումնական դասընթացների ընթացքում: Կավով աշխատելու համար պետք է ձեռք բերել կավով աշխատելու հմտություններ:

Թափոններով աշխատանքներ

Թափոններով աշխատանքներն իրենց մեջ ներառում են բոլոր այն նյութերը, որոնք արդեն օգտագործվել են և շատ հաճախ պիտանի չեն: Նմանատիպ աշխատանքերն ունեն դաստիարակչական նշանակություն, որովհետև սովորեցնում են խնայող և գնահատող լինել, ինչպես նաև զարգացնում են սովորողի երևակայությունը, քանի որ թափոնին «նոր կյանք» հաղորդելը հնարամտություն է պահանջում:

Նյութերի ընտրությունը հարմարեցրած է սովորողների տարիքային խմբին: Իսկ աշխատանքային ուղղությունները տվյալ նյութերով, շատ հաճախ սովորողներն իրենք են առաջարկում: